Навигарӣ

  • Ҷаласаи ҳайати мушовараи Кумитаи забон ва истилоҳот

    Ҳайати тадорукот's picture
    Ношир: Ҳайати тадорукот Санаи интишор: 8 Январ, 2026 - 15:54

         Ҷаласаи ҳайати мушовараи Кумитаи забон ва истилоҳоти назди Ҳукумати Ҷумҳурии Тоҷикистон баргузор гардид.
         Дар он намояндаи Дастгоҳи иҷроияи Президенти Ҷумҳурии Тоҷикистон Бобозода Фаридун, Раиси Кумита Раҳматуллозода Сахидод, муовини раиси Кумитаи  забон ва истилоҳот Баротзода Файзиддин, директори Муассисаи давлатии «Маркази миллии тарҷума»-и назди Кумитаи забон ва истилоҳоти назди Ҳукумати Ҷумҳурии Тоҷикистон Ҳамрохон Дӯстзода, аъзои Ҳайати мушовараи Кумита, сардорони шуъбаҳо, мудирони бахшҳо ва кормандони Кумита иштирок намуданд.
         Дар ҷаласаи мазкур натиҷаҳои фаъолияти Кумита дар соли 2025 ва вазифаҳо барои давраҳои минбаъда ҷамъбаст гардида, нақшаи корӣ барои соли 2026 тасдиқ гардид.
         Аз ҷониби аъзои ҳайати мушовара фаъолияти Кумита дар соли 2025 қаноатбахш ҳисобида шуда, вазифаҳо барои фаъолияти минбаъда муҳим арзёбӣ гардиданд.

    Баҳодиҳии муҳтаво: 
    Баҳои миёна: 5 (5 овоз)

  • Бозтоби масоили худшиносии миллӣ дар Паёми Президенти Ҷумҳурии Тоҷикистон ба Маҷлиси Олӣ

    Ҳайати тадорукот's picture
    Ношир: Ҳайати тадорукот Санаи интишор: 5 Январ, 2026 - 11:53

          Имрӯз дар Кумитаи забон ва истилоҳоти назди Ҳукумати Ҷумҳурии Тоҷикистон нуктаҳои Паёми Президенти Ҷумҳурии Тоҷикистон ба Маҷлиси Олӣ шарҳ дода шуд.
    Зимни он Раиси Кумитаи забон ва истилоҳот Сахидод Раҳматуллозода иброз намуд, ки Паёми Президенти мамлакат ҳамчун ҳуҷҷати муҳими сиёсӣ ва барномавӣ самтҳои афзалиятноки рушди иқтисоди миллӣ, таҳкими пояҳои давлатдории миллӣ, таъмини суботи сиёсиро дар бар мегирад.
         Дар идома директори Муассисаи давлатии «Маркази миллии тарҷума»-и назди Кумитаи забон ва истилоҳоти назди Ҳукумати Ҷумҳурии Тоҷикистон Ҳамрохон Дӯстзода афзуд, ки Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ пеш аз ҳама, саршор аз тантанаи худшиносии милливу меҳанпарастӣ ва худогоҳиву умед ба фардои неки давлат буд. Пешвои миллат, ки ҳамеша ба таъриху тамаддуни чандҳазорсолаи мардуми тоҷик эҳтироми хосса мегузоранд, аз минбари баланди парлумони миллӣ изҳор доштанд, ки «бедор намудани хотираи таърихӣ дар таҳкими ҳисси миллии шаҳрвандон, махсусан, ҷавонон, ки ояндаи миллат ва давлат мебошанд, нақши бисёр муҳим дорад».
    «Воқеан, дар шароити имрўзаи ҷаҳонишавӣ ва танишҳои фарҳангиву сиёсӣ, ки хавфи аз миён бурдани давлату миллатҳоро дар пай дорад, бедор намудан ва таҳким бахшидани ҳисси худшиносиву хештаншиносии ҷавонон ба василаи ташвиқу тарғиби фарҳангу тамаддун ва таърихи пурғановату ибратомўз амали саривақтӣ ва омўзанда мебошад»-иброз дошт директори марказ.

    Баҳодиҳии муҳтаво: 
    Баҳои миёна: 5 (2 овоз)

  • ПАЁМИ ШОДБОШИИ ПРЕЗИДЕНТИ ҶУМҲУРИИ ТОҶИКИСТОН, ПЕШВОИ МИЛЛАТ МУҲТАРАМ ЭМОМАЛӢ РАҲМОН БА МУНОСИБАТИ ФАРОРАСИИ СОЛИ НАВИ МЕЛОДИИ 2026

    Ҳайати тадорукот's picture
    Ношир: Ҳайати тадорукот Санаи интишор: 31 Декабр, 2025 - 11:11

    Ҳамватанони азиз!

    Ҳамаи шумо ва ҳамватанони бурунмарзиро ба муносибати фарорасии Соли нави мелодии 2026 самимона табрик мегӯям.

    Ба ҳар як хонадони мардуми шарифу сарбаланди кишвар тандурустиву иқболи нек ва рӯзгори орому осуда орзу менамоям.

    Соли мелодие, ки сипарӣ шуда истодааст, барои Тоҷикистони маҳбуби мо боз як соли бобарору таърихӣ ва соли дастоварду пешравиҳои назаррас гардид.

    Бо вуҷуди шароити ҳассосу мураккаби ҷаҳони муосир ва таъсири манфии омилҳои берунӣ мо дар соли 2025 ҳам дар сиёсати дохилӣ ва ҳам дар самти сиёсати хориҷӣ ба як қатор дастоварду нишондиҳандаҳои қобили мулоҳиза ноил гардидем.

    Ин дастоварду пешравиҳо чанд рӯз пеш дар паёми Роҳбари давлат ба таври муфассал таҳлилу баррасӣ карда шуданд.

    Ба шарофати сулҳу оромӣ, суботи комили сиёсӣ, ваҳдати миллӣ ва заҳмати содиқонаи мардуми шарифи кишвар рушди устувори иқтисоди миллӣ таъмин гардид.

    Барномаву нақшаҳои муҳимме, ки дар доираи ҳадафҳои стратегии миллӣ қабул шудаанд, дар соли 2025 бомаром амалӣ гардида, ба рушди соҳаҳои иқтисодиву иҷтимоии мамлакат такони ҷиддӣ бахшиданд ва мо ба ҳадафҳои гузоштаамон хеле наздик шудем.

    Интихоботи даъвати нави Маҷлиси намояндагон, маҷлисҳои маҳаллӣ ва Маҷлиси миллии Маҷлиси Олӣ, ки бо иштироки фаъолонаи интихобкунандагон, яъне мардуми шарифи Тоҷикистон баргузор гардиданд, рӯйдоди муҳимми сиёсии соли сипаришудаистода мебошад.

    Ин чорабинии муҳимми сиёсӣ ба рушди сиёсати дохилии кишвар мусоидат карда, боиси дар арсаи байналмилалӣ боз ҳам боло рафтани обрӯи давлати тоҷикон ҳамчун давлати демокративу ҳуқуқбунёд ва дунявӣ гардид.

    Мардуми кишвар, аз ҷумла соҳибкорон ва шахсони саховатпеша содиқона ва софдилона заҳмат кашида, корҳои созандаву бунёдгаронаро вусъати бесобиқа бахшиданд ва ҳазорҳо иншооти истеҳсоливу иҷтимоӣ, аз ҷумла коргоҳу корхонаҳои саноатӣ, роҳу пулҳо, кӯдакистону мактабҳо ва муассисаҳои тиббиву хизматрасонӣ бунёд карданд.

    Баҳодиҳии муҳтаво: 
    Баҳои миёна: 5 (13 овоз)

  • ПАЁМИ ТАБРИКИИ РАИСИ КУМИТАИ ЗАБОН ВА ИСТИЛОҲОТИ НАЗДИ ҲУКУМАТИ ҶУМҲУРИИ ТОҶИКИСТОН САХИДОД РАҲМАТУЛЛОЗОДА БАХШИДА БА СОЛИ НАВИ 2026

    Ҳайати тадорукот's picture
    Ношир: Ҳайати тадорукот Санаи интишор: 31 Декабр, 2025 - 08:08

    Ҳамдиёрони азиз!
    Фарорасии Соли нави мелодиро ба кулли ҳамватанон муборакбод гуфта, саломатӣ, саодати рӯзгор, сарбаландӣ ва хонаободию хушрӯзгориро таманно дорам.
    Соли 2025 дар таърихи давлати соҳибистиқлоли мо бо хатҳои заррин сабт хоҳад шуд. Зеро, дар ин соли мардуми шарафманди кишвар дар заминаи татбиқи сиёсати созандаю ободкоронаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ба дастовардҳои назарраси меҳнатӣ ноил гардида, бо ба истифодадиҳии садҳо иншоотҳои хурду бузург ҷашни сисолагии Истиқлоли давлатии Ҷумҳурии Тоҷикистонро бо руҳияи баланди ифтихор аз ватандорию соҳибистиқлолӣ таҷлил намуданд.
    Дар арафаи соли нави мелодӣ ба мақоми олии қонунгузори мамлакат ироа гардидани Паёми Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ҳамчун дастури корӣ барои расидан ба ҳадафҳои стратегии миллӣ маҳсуб гардида, эълон шудани соли 2026 бахшида ба 35-солагии Истиқлолияти давлатӣ соли 2026 «Соли вусъат додани корҳои ободонию созандагӣ ва тақвияту таҳкими худшиносию худогоҳии миллӣ» эълон гардид, ки ба пешрафту тараққиёти иқтисодиёти кишвар ва баланд бардоштани некуаҳволии мардуми мамлакат заминаи мусоид фароҳам меоварад.

    Баҳодиҳии муҳтаво: 
    Баҳои миёна: 5 (8 овоз)

  • «ҶАВОНОН-НЕРУИ СОЗАНДА ВА ОЯНДАИ МИЛЛАТ»

    Ҳайати тадорукот's picture
    Ношир: Ҳайати тадорукот Санаи интишор: 26 Декабр, 2025 - 14:55

    Имрӯз дар Кумитаи забон ва истилоҳоти назди Ҳукумати Ҷумҳурии Тоҷикистон нуктаҳои Паёми Президенти Ҷумҳурии Тоҷикистон ба Маҷлиси Олӣ шарҳ дода шуд.
    Зимни он Раиси Кумитаи забон ва истилоҳот Сахидод Раҳматуллозода иброз намуд, ки Паёми Президенти мамлакат ҳамчун ҳуҷҷати муҳими сиёсӣ ва барномавӣ самтҳои афзалиятноки рушди иқтисоди миллӣ, таҳкими пояҳои давлатдории миллӣ, таъмини суботи сиёсӣ, рушди соҳаҳои маорифу тандурустӣ, фарҳанг, дастгирии иҷтимоии аҳолӣ, занон ва ҷавононро дар бар мегирад.
    Муовини раиси Кумита Файзиддин Баротзода дар мавзуи «Ҷавонон-неруи созанда ва ояндаи миллат» баромад намуда, иброз дошт, ки дар Паёми Президенти мамлакат ба Маҷлиси Олӣ зарурати ҷалби ҷавонон ба касбу ҳунарҳои муосир ва анъанавӣ, тарбияи меҳнатдӯстӣ, баланд бардоштани рақобатпазирии онҳо дар бозори меҳнат, пешгирии бекорӣ ва фароҳам овардани шароити мусоид барои рушди иқтидори касбии ҷавонон махсус таъкид карда шуд.
    Дар фарҷом иштирокчиён андешаҳои худро иброз намуда, омодагии худро барои саҳмгузорӣ дар татбиқи ҳадафҳои Паёми Президенти Ҷумҳурии Тоҷикистон ва таҳкими пояҳои Истиқлоли давлатӣ таъкид карданд.

    Баҳодиҳии муҳтаво: 
    Баҳои миёна: 5 (5 овоз)

  • ПАЁМ – ТАҲКИМБАХШИ ХУДШИНОСИИ МИЛЛӢ

    Ҳайати тадорукот's picture
    Ношир: Ҳайати тадорукот Санаи интишор: 24 Декабр, 2025 - 16:15

         Паёми Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки ҳамасола ба Маҷлиси Олӣ ироа мегардад, як навъ ҷамъбасти бурду бохти соли сипаришуда ва масъалагузориҳо барои ояндаи дурахшони миллату давлат мебошад. Паёми имсола, ки санаи 16-уми декабр баргузор гардид, пеш аз ҳама, саршор аз тантанаи худшиносии милливу меҳанпарастӣ ва худогоҳиву умед ба фардои неки давлат буд. Пешвои миллат, ки ҳамеша ба таъриху тамаддуни чандҳазорсолаи мардуми тоҷик эҳтироми хосса мегузоранд, аз минбари баланди парлумони миллӣ изҳор доштанд, ки «бедор намудани хотираи таърихӣ дар таҳкими ҳисси миллии шаҳрвандон, махсусан, ҷавонон, ки ояндаи миллат ва давлат мебошанд, нақши бисёр муҳим дорад».
         Воқеан, дар шароити имрўзаи ҷаҳонишавӣ ва танишҳои фарҳангиву сиёсӣ, ки хавфи аз миён бурдани давлату миллатҳоро дар пай дорад, бедор намудан ва таҳким бахшидани ҳисси худшиносиву хештаншиносии ҷавонон ба василаи ташвиқу тарғиби фарҳангу тамаддун ва таърихи пурғановату ибратомўз амали саривақтӣ ва омўзанда мебошад. Худшиносии миллии мардуми тоҷик, ки дар ҳама давру замонҳо ҳамчун унсури муҳимму наҷотбахши миллати тоҷик эътироф гардидааст, имрўз дар пояи анъанаҳои суннатии мо ба таҳкиму ҳифозати бештар ниёз дорад. Агар мафҳуму мазумуни онро шартан бо формулаи мантиқиву забонӣ ва таърихиву фалсафии «Кӣ будам, кӣ ҳастам ва кӣ мешавам» ифода намоем, барҳақ, метавонем бо ҷустану дарёфти посухҳои гуногун ба ин савол дар ниҳоди ҳар як нафари ватандўст меҳру садоқат ба ин сарзамини биҳиштосоро боз ҳам бештар гардонем. Яъне худшиносии миллӣ дарку ифтихороти ҳар шахс аз он аст, ки ў ба кадом қавму миллат мансубият дорад ва хешро то кадом ҳад узви ҷудонопазири он ҳисобида, барои имрўзу ояндаи он чи нақши созгоре гузошта метавонад. Ба таври дигар, худшиносии миллӣ маънои онро дорад, ки инсон бояд таърих, фарҳанг ва анъанаҳои гузаштаи миллати худро хуб дониста, барои таҳкиму тавсеаи онҳо миёни дигар фарҳангу миллатҳо дар доираи талаботи имрўзу оянда ҷаҳди хастанопазир намояд.

    Баҳодиҳии муҳтаво: 
    Баҳои миёна: 5 (5 овоз)

  • Иқдомоти бесобиқаи фарҳангӣ дар Паёми Президенти Ҷумҳурии Тоҷикистон муҳтарам Эмомалӣ Раҳмон

    Ҳайати тадорукот's picture
    Ношир: Ҳайати тадорукот Санаи интишор: 23 Декабр, 2025 - 15:51

    Раҳматуллозода Сахидод
    раиси Кумитаи забон ва истилоҳоти
    назди Ҳукумати Ҷумҳурии Тоҷикистон

    Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси миллӣ ва вакилони Маҷлиси намояндагон, ки рӯзи 16.12.2025 пешниҳод шуд, ҳаёти воқеии моро инъикос карда, масоили муҳимми сиёсию иқтисодӣ ва илмию фарҳангии ҷомеаи Тоҷикистонро мавриди баррасӣ қарор дод, ки дар ташаккули зеҳнии миллати тоҷик солиёни дароз таъсир хоҳад расонд. Таҳлилу баррасиҳо, муқоисаю муқобалаҳои ҳаёти иқтисодии кишвар, роҳҳои ҳалли маосили мубрами сиёсию иқтисодӣ, изҳороти муҳим дар самти нақши ҷавонон, занону модарон, мутахассисону коршиносон, донишомӯзону муҳассилин, ходимони ҷамъиятию динӣ ва дигар қишрҳои ҷомеа аз огоҳии комили вазъ дарак медиҳад. Суханони пурлатофату бомуҳаббати Президенти кишвар нисбат мардум ва пешниҳоду тавсияҳои муфид дар самти некуаҳволии халқ аз ғамхориҳои бесобиқаи Ҷаноби олӣ дарак медиҳад.
    Агар ба нуктаҳои дар паёми ба Маҷлиси миллӣ ва вакилони Маҷлиси намояндагон ироашуда дақиқ назар андозем, зуд дармеёбем, ки ба тақдири баланди миллатамон ба изни Худованд шахсе сарвари ҷомеаи Тоҷикистон аст, ки ҳар фарди ҷомеаро дӯст медорад ва барои чун гаҳвараки чашм ҳифз намудани онон талош меварзад. Ман аз таҷрибаи кор бо ҷомеа бо қаноатмандию дилпурӣ гуфта метавонам, ки ҳар фарди ҷомеаи Тоҷикистон ва неруҳои пешвафтаю солимфикрӣ хориҷи кишвар низ сарвари маҳбуби моро дӯст медоранд, эҳтиром мекунанд, зеро порча-порча суханони пурҳикмати панду ахлоқии эшонро дар саҳифаҳои интернетии худ мегузоранд ва аз онҳо лаззати маънавӣ мебаранд. Ин аст, ки аз доштани ин ганҷи бебаҳои миллӣ ифтихор мекунем ва дар навбати худ барои заҳматҳою ғамхориҳои падаронаашон нисбат ба ҷомеа сари таъзим фурӯд меорем.
    Паёми имсола бо пешниҳодҳои ниҳоят муҳим дар ҳаёти фарҳангии тоҷикон фарқ мекунад. Пешвои миллат барҳақ изҳор медорад, ки ҳастии миллат ва бақои давлати тоҷикон ба муносибати мо нисбат арзишҳои миллӣ вобаста аст. Дар сурате мо метавонем арзишҳои миллаамонро ҳифзу нигаҳдорӣ намоем, ки маорифи пурқувват дошта бошем ва ҷиҳати аз бар кардани  илму дониш талош варзем ва барои дур будан аз ҷаҳолату хурофот имконоти зеҳнии худро сафарбар созем. Дар ҳамаи давру замон хурофот ва нодонӣ садди роҳи тараққиёт ва пешрафту шукуфоӣ шуда, башариятро ба марзи сарбастаю номаълум  бурдааст.   

    Баҳодиҳии муҳтаво: 
    Баҳои миёна: 5 (3 овоз)

  • САҲИФАИ ГУРӮҲИ МАҲФИЛИ «ПОСДОРОН ВА ДӮСТДОРОНИ ЗАБОНИ ТОҶИКӢ» ДАР ШАБАКАИ ИҶТИМОИИ «ФЕЙСБУК/FACEBOOK»

    Ҳайати тадорукот's picture
    Ношир: Ҳайати тадорукот Санаи интишор: 22 Декабр, 2025 - 07:10

    БА САҲИФАИ ГУРӮҲИ МАҲФИЛИ «ПОСДОРОН ВА ДӮСТДОРОНИ ЗАБОНИ ТОҶИКӢ» ДАР ШАБАКАИ ИҶТИМОИИ «ФЕЙСБУК/FACEBOOK» ВОРИД ШАВЕД!

    Баҳодиҳии муҳтаво: 
    5
    Баҳои миёна: 5 (7 овоз)

  • САҲИФАИ РАСМИИ КУМИТАИ ЗАБОН ВА ИСТИЛОҲОТИ НАЗДИ ҲУКУМАТИ ҶУМҲУРИИ ТОҶИКИСТОН ДАР ПОРТАЛИ ЯГОНАИ ДАВЛАТӢ

    Ҳайати тадорукот's picture
    Ношир: Ҳайати тадорукот Санаи интишор: 22 Декабр, 2025 - 07:10

    САҲИФАИ РАСМИИ КУМИТАИ ЗАБОН ВА ИСТИЛОҲОТИ НАЗДИ ҲУКУМАТИ ҶУМҲУРИИ ТОҶИКИСТОН ДАР ПОРТАЛИ ЯГОНАИ ДАВЛАТӢ
    ПОРТАЛИ ЯГОНАИ ДАВЛАТӢ
    https://egov.tj/site/kumitaizabon

    2025-2030
    Солҳои рушди иқтисоди рақамӣ ва инноватсия
    Таъмини рушди бонизоми зеҳни сунъӣ, рақамикунонии иқтисодиёти миллӣ ва технологияҳои инноватсионӣ яке аз самтҳои афзалиятноки сиёсати пешгирифтаи давлат буда, дар як муддати кӯтоҳ бо ташаббус ва дастгирии бевоситаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон заминаҳои инфрасохтори иқтисоди рақамӣ ва асосҳои ҳуқуқии соҳа ташкилу тақвият ёфтанд. 

    Бо дарки муҳиммияти мавзуъ, дар шароити муосири рушду таҳкими тамоми соҳаҳои ҳаёти ҷомеа ва дар ин ҷода вусъат бахшидан ба раванди рақамикунонии иқтисоди миллӣ ва рушди равандҳои инноватсионии кишвар, бо ибтикори навбатии Президенти Ҷумҳурии Тоҷикистон зимни ироаи паёмашон солҳои 2025-2030 «Солҳои рушди иқтисоди рақамӣ ва инноватсия» эълон гардид.

    Баҳодиҳии муҳтаво: 
    5
    Баҳои миёна: 5 (4 овоз)

  • Дар Кумитаи забон ва истилоҳоти назди Ҳукумати Ҷумҳурии Тоҷикистон нуктаҳои Паёми Президенти Ҷумҳурии Тоҷикистон ба Маҷлиси Олӣ шарҳ дода шуд

    Ҳайати тадорукот's picture
    Ношир: Ҳайати тадорукот Санаи интишор: 22 Декабр, 2025 - 07:05

    Иброз гардид, ки Паёми Президенти мамлакат ба Маҷлиси Олӣ ҳамчун санади муҳими стратегӣ самтҳои асосии сиёсати дохиливу хориҷии кишварро муайян намуда, барои таъмини зиндагии шоистаи мардум, таҳкими давлатдорӣ ва рушди устувори иқтисодиву иҷтимоӣ заминаи мусоид фароҳам меорад.
    Ҳамзамон таъкид шуд, ки Паём ҳамчун роҳнамо барои ҳамаи сохторҳои давлатӣ, ҷомеаи шаҳрвандӣ ва аҳли зиё хизмат мекунад. Дар он масъалаҳои муҳими рушди илм, маориф, тандурустӣ, дастгирии ҷавонон, таъмини амнияти миллӣ ва боло бурдани сатҳи зиндагии мардум ҷойгоҳи хоса доранд.
    Иштирокдорони ҳамоиш доир ба муҳтавои Паёми Президенти Ҷумҳурии Тоҷикистон ба Маҷлиси Олӣ ибрози назар намуда, онро ҳамчун ҳуҷҷати фарогири таҳлилу баррасии амиқи тамоми соҳаҳо ва дурнамои рушди устувори мамлакат дар ҳама самтҳо арзёбӣ намуданд.

    Баҳодиҳии муҳтаво: 
    Баҳои миёна: 5 (1 овоз)

Pages